dAy 4 (5th Apr)

太短的旅行

要走了, 今日是最後一日..
又要離開台灣返香港, 真係唔想..
但都係要落去食埋個早餐先返上房執埋剩低d野..
懶人係咁架喇...




酒店周圍都好靚, 下次我地都住返君品..
梳洗好執返好d五官就準備要check out喇..

兩個大gip加多一袋紙袋hand carry..唔係好多je~
未夠鐘食飯, 係京站行陣先...
之後再去屈臣氏光南大批發掃貨...

由光南大批發一直行就係西門町..
上次已經識行, 行到去時間啱啱好..
今次旅程最後一個午餐係期待已久既 - 馬辣火鍋..



本來我地係打算夜晚食, 但真係太多人食, 訂唔到檯..
我地被安排坐係一堆港女隔離, (最憎出去旅行都見到呢d人)..
算數..除左牛肉之外, 其他都係自己去攞..
我同katrina覺得絕大部份食物都係超水準..真係抵到爛..
如果可以encore就好..

真係冇得頂, 而家諗起都想飛返去再食..
下次一定要夜晚食..
食飽仲未夠鐘去機場, 去微風廣場行下..

呢個商場其實冇咩特別野行,
只係有好多日系既商店..
裡面有一間franc franc, d野真係好靚, 如果我有間屋我一定係咁買..
商場仲有一個katrina話最靚既女廁, 我都只可以睇相有幾靚咋..

玩到差唔多時間就要返台北車站喇, 仲有d趕tim呀..
買左高鐵飛先返酒店拎行李, 以防萬一..
見仲有少少散銀, 食多一餐先搭車..

19分鐘就去到桃園高鐵站, 中途仲見到有人放煙花..
好唔想返香港呀..!!

係高鐵站好順利咁check-in左..
都係早少少去機場等..
我地坐21:25機, 仲有充足時間行下, 同搞埋退稅..

桃園機場將會大翻新..
都應該喇, 而家都好已經好殘舊下..

因為冇咩野好行, 諗住過左關坐下等起飛...
點知見到有間店舖好靚, 好多人都去影相 (不過唔買野..)..
我地仲影到差d趕唔切上機..哈哈..

我地影到都唔係好好意思,
本省都打算買返d野, 但結果都係...嘻嘻..
今次我地係A6閘口上機, 要快d上機喇, 已經有好多人上左飛機..

一個鐘多d既機程, 係咁諗住快d快d..
因為katrina要趕尾班巴士返屋企呀..
飛機餐都冇咩點食, 是但就算喇..

返到香港11點幾, 仲趕得切..
但今次停左係遠d既停機坪, 要坐接駁車..
仲好心急等d行李出黎趕搭車呀..

**睇下中間個女仔幾唔捨得..??哈哈..

就咁就去完今次旅行喇..
如果日本一切順利, 下年應該去返京阪神..
好期待再次出國, 同妳一齊去玩..

(eNd)

DaY 3 (4th Apr)

三見山城

今天的行程是 - 九份山城..
雖然去慣去熟, 但都有d怕搭台鐵..
唔理咁多, 落去食個豐富早餐先..

食左2日, 已經覺得唔係好特別..
但食物同環境都好令人滿意, 好舒服..
休息下買杯天仁茗茶就搭車去九份..
好彩之前買左位, 因為部車好多人..

老地方瑞芳落車轉巴士,
但一落台鐵就落雨, 唔係好開心..
巴士雖然有位坐, 但好焗又塞車, 坐得好辛苦..(雖然最辛苦唔係我..哈哈)

上到九份又係好多人, 可能因為台灣都係假期啦..
多人到連九份個牌都影唔到..
而且又落雨人迫人咁, 行得好辛苦..
但始終我同katrina都好愛九份..

多人都要行, 不斷行不斷買野食...
最緊要係我地最鍾意既銅鑼燒..

冇辦法都要走喇, 天氣又凍又要落雨...
今次坐返巴士落瑞芳再轉火車..
今次又係冇位坐, 企到返台北車站..

企到腳都軟, 差唔多一個鐘先返到台北車站..
冇咩特別地方去, 去西門町搵野食啦..
今晚我地去食拉麵...

睇我地個樣都覺得好殘..
前兩日去阪急百貨見到呢間拉麵店好多人排隊已經想試下..
我地叫到成檯野食..
但原來係 - 唔好食既..

食得唔夠暢快, 一定要再買野返酒店再食..
西門町的街邊檔選擇唔多..
我地買左餃子, 潤餅, 荵抓餅, 謝謝魷魚更,

買到一袋二袋咁返去,
哈哈..好鍾意呢種感覺..
今日係先係第三日, 但聽日就要走..好唔想走呀..

好似好多野食咁, 但其實有好多都唔好食架..
除左 - 謝謝魷魚更

今次買得好少野咋, 最想買多d衫..
最後一日, 睇多陣電視先訓..
真係唔想返香港呀..

*鍾意九份, 但唔鍾意多人既九份..
**台北真係一個好地方

(DaY 3 eNd)

dAy 2 (3rd Apr)

烏來來了..

一早(都9點)起身係5星級酒店食返個早餐先..
早餐好似唔算好多野食, 不過環境同質素都十分唔錯..

竟然俾katrina發現lobby有胡桃夾子, 哈哈..黎個合照先..
原來房有好多電影可以免費睇, 今晚先返黎睇麵包超人..
係出發去烏來之前先去光南大批發掃下貨先..
行過去都唔洗10分鐘, 真係方便得太緊要..

係搭捷運途中有個台灣婆婆問我路, 差d教錯左佢...
去到新店站搭的士上去, 原來都要20分鐘..
俾本書老點左..

又有人搭車搭到唔舒服, 真係可憐..
又真係好多急彎好斜既..
其實烏來係一個幾鄉村同幾舒服既地方, 不過同九份一樣都變得好多人..
老街人山人海, 休息夠就買支可樂買個花生卷食先..

好味好味..都夠鐘食飯..
本來打算食泰雅婆婆, 但見到冇咩人幫襯, 隔離個間山地美食屋好似又好d..
所以都選擇左呢度, 我地叫左竹筒飯, 蝦同魚, 肉燥飯, 竹荀湯同炒唔知咩菜..
飽到差d食唔哂..

本來想睇下瀑布多唔多人, 但上到台車站見到要40分鐘先上到去, 都係決定唔去喇..
其實老街唔長, 我地食下腸, 溫泉蛋, 花生卷同唔記得咩野糖..
加上個天就快落雨, 都係搭巴士走喇..(katrina比較舒服, 真係怪人)

byebye喇, 風景純樸的烏來..
由於我念念不忙agnis b條手繩, 今日都係快d去買左佢..哈哈..

同katrina買完禮物俾自己, 即刻轉去士林夜市覓食..
唔知咩野事, 士林夜市多人到不堪..
shopping都冇咩心機, 只係買到少少..所以我地打算下次下晝就黎行街街..

我地行完決定買野返酒店食, 其實途中已經買左甜不辣既串燒..
行完就買排骨湯, 水煎包, 阿宗面線, 煎餃同愛肉冰返酒店開餐..
搞到一袋二袋咁返去..哈哈..

雖然唔算好好食, 但我真係好鍾意咁買咁多野返酒店食..哈哈..
個感覺好台灣..
食完都未算太夜, 睇下細菌小子影下相先..

沖個涼, 第二日咁就完左..
明天預告 - 九份..

*天公尚算做美, 我地離開烏來先落雨..到市區就停雨..
**好似冇咩睇過地圖咁..yeah..

(DaY 2 eNd)

台北第三行 (2/4 - 5/4)

DaY 1 (2nd Apr)

不會悶的台北

哈哈, 台北, 我又來了..
已經是近五年的第三次,
去不了日本便想起你了..
以往一樣的華航, 以往一樣的行程, 還是很開心..
機場不是太多人, 行程十分順利, 很舒服..最鍾意著得靚靚去旅行..

入閘後仲有時間食個豐富早餐,
大家樂始終好過大快活, 仲食到差d唔記得上機..哈哈..

快快趣走去22號登記位, 好彩唔係好遠...
都仲有少少時間影返張相..

飛機餐一d都唔好食,好彩我係member有一個係水果餐..
又冇咩野好睇, 聽一陣歌就落機lu~
(華航d空姐好靚咩..????)



雖然俾預定時間遲左少少. 但都好順利..
係機場禁完錢, 就去搭高鐵..但自己冇睇清楚以為人地坐在自己個位..
簡直係本年度最"魚"既事..

15分鐘就到我地好熟悉既地方 - 台北車站..
I love TaiPei Station..
未夠時間check-in, 食少少野先..

今次我地住的是台北車站旁的君品酒店..
價錢就不要提了, 我地一進入lobby就覺得太grand了..
房間就沒有甚麼驚喜, 甚至有些失望..
但之後就覺得物有所值, 下次可能都要住返呢間..嘻嘻..

休息一陣就搭捷運去市政府站行下街..
途中經過好靚好高級既W酒店, 如果唔係冇咁方便都有興趣想住..
本來想係阪急百貨買evisu, 但睇唔啱..
反而係三越買到豬肉紙,
同係agnes b睇中左對耳環, 介指同手繩..俾d時間考慮下先..

夜晚去西門町搵食...
本來打算食馬辣, 但係冇位..唉..
轉去樂也, 但都要20:30, 唯有搵我地既favorite謝謝頂住肚先啦..哈哈..

謝謝魷魚更同阿宗面線唔同, 真係食極都唔厭..
樂也係燒肉+打邊爐, 平平地都唔錯..
而且又有雪糕食, 啱哂katrina..

食飽飽已經攰到想死, 唯有行過圈買d野飲就返酒店休息啦..
年紀大, 機器真係易壞..

聽日去烏來, 黎兩次都未去過...見識下先...

*咁就一日, 放假時間真係過得特別快

(DaY 1 eNd)

長洲一日遊@2010秋

長洲島一日行

搞掂哂手頭d野，有一整日空間..
決定黎個長洲一日行..
先醫左個大肚先，平平地係灣仔食個雲吞面..
估唔到katrina咁鍾意食..

食完就搭電車落中環喇，直去碼頭喇..
見到中環不斷填海，拆卸，建築..心都酸了..

去到碼頭未有船，享受住微風等一陣先..

我同katrina都決定要坐豪華位，因為唔想同人迫..
因為較遲上船，坐唔到室外位置...蝕哂呀..
不過都好過好普通位，起碼都唔多人..

飲下野傾下計就到長洲喇..
一個鐘船程剛剛好..
因為katrina未黎過，覺得好新鮮..
不過我都N年冇黎lu~哈哈..

長洲的船排給人一種鄉郊的感覺..
城市人應該覺得呢d先係真正的奢侈品..
白無聊賴的閒逛，真舒服..(但陽光有點剌眼..)



又到三點三下午茶時間，覓食先...>.<
我地都係普通人，羊群心理下都係食openrice熱捧小食..
著塔，生果串..不俗的體驗..
豆腐pok，好味..炸蘿蔔絲餅，超讚...



食食下又差唔多5點喇，冇咩地方行就搵個地方坐下..
原來咁先係享受的最佳方法..
坐在海邊長橩上，吹著風，看著夕陽..
輕輕鬆鬆..

不知不覺已經6點..
我地都係同一般人一樣食海鮮..
時間仲早，可以坐海邊二人位..

好簡單叫左個二人餐，d野都幾啱食..
但質素原來普通咋..
豉椒炒蜆，生炒骨，菜，白灼蝦..
雖然都幾大碟，不過都食得唔係好飽..

食到d碟可以照鏡呀，哈哈..
,不過下次會試下第二間..
時間都唔早喇，不過都仲有時間可以食埋個飯後甜品..

好喇，真係夠鐘要返香港喇..

今次我地終於可以坐outdoor喇..
雖然有d涷(其實都唔止有d)..但個feel真係太正..
頭上是點點星光，旁邊是點點燈火..
微風，其實係大風..令人很舒服...
不想下船呢..!!

輕輕鬆鬆一日離開急促的生活真好..
這樣喜歡的一天又完了..